اسباب غلق قنوات اليوتيوب

السلام عليكم

ما سبب غلق القنوات :-

طبعا الكل شاف وعارف مشكله اليوتيوب الاخيرة

فى الحقيقة مفروض الخطوة دى تجى من زمان جدا

وهى مراجعه القنوات والمحتوى بشكل جيد

ومن هنا كانت فكرة يوتيوب (( ابطال يوتيوب )) دول الناس اللى بتشوف كل القنوات

وتبلغ عن القناة المخالفة وتغلق القناة

فكرة الابطال مكنتش واضح اوى لكن مع سحب شركات عملاقة الحملات الاعلانية من يوتيوب هنا كان لازم الشركة تتحرك بسرعه وفعلا بدا غلق كل القنوات المخالفة

:- يوتيوب تقدم المساعدة

انا حضرت تدريب 3 ايام مع يوتيوب من نهايه مارس كده

رغم كل اللى بيحصل الا ان يوتيوب مازالت يساعد الجدد وصانع المحتوى وحط تحت دى مليون خط التدريب كان عن انشاء قناة جديدة بشكل صحيح كيفية الترويج للقناة

حتى ابسط التفاصيل ازاى تعمل غلاف احترافى بيحضر التدريب معاك اصحاب القنوات الكبيرة

اصحاب 2 مليون مشترك واكثر علشان يساعد ازاى تبدا وتمشى صح

التركيز كله مع اصحاب المحتوى الحقيقى الناس اللى بتتعب علشان تتطلع محتوى بغض النظر المحتوى دا مفيد زى كورسات او غيرها او غير مفيد زى القنوات الكوميديه الفكرة كله المحتوى 100% لك

متى تعود سوف تعود الاعلانات :-

حاليا جارى العمل على تعديل بعض الامور وان شاء الله الاعلانات هترجع قريب جدا

ولكن يوتيوب حاليا بتجهز لغلق قنوات اكبر بكتير من اللى فات

فى اختبار على كل القنوات فى الفترة دى بعدها تغلق قنوات مخالفة وتعود الاعلانات مجددا

التحديثات الجديدة :-

فى العديدة من التحديثات منها ما يخص اصحاب القنوات الحالية او الجدد وتحديثات الاهم داخل حساب المعلن يقدر يتحكم دلوقتى فى المحتوى اللى يظهر عليه الاعلان ودا كان سبب سحب الشركات الحملات من يوتيوب

التحديثات الاهم زى ما وضح اخى Tawfiq Abu Halawah شكرا جزيلا لك

بالنسبه للقنوات الجديدة اولا هيتم مراجعه القناة بشكل جيد زى ما بيحصل كده مع بلوجر او لم تحب ترقى حساب من مستضاف الى عادى (( مراجعه صح من الاخر ))

علشان تبدا تقدم القناة للربح لابد يكون وصلت 100الف مشاهدة

ماذا عن شركات البارتنر :-

بصراحه الشركات هى افضل حل لك فى الوقت الحالى

يوتيوب ملوش دعوة بالقناة لو انت مع شركة لان دلوقتى مطلوب من كل شركة تعمل مراجعه على القنوات اللى معها وكذلك الجديدة بشكل جيد لو فى قنوات مخالفه مع الشركة واغلقت هذة القنوات بحد اقصى 300 قناة يحق لليوتيوب غلق حساب الشركة كامل

طيب شروط شركات البارتنر

الشركات لها شروط خاصة تواصلت مع 100 شركات تقريبا عن الشروط للجدد

1- المحتوى 100% حصرى وخاص بك

رقم 1 عشر مليون خط

فى شركات ممكن تقول تعالى لو معاك حتى 10 مشتركين بس مش مهم معهم بس محتوى بتعك

2- يمر على القناة منذ الانشاء 30 يوم

3- مشاهدات : فى شركات 1000 مشاهدة وشركات 5000 مشاهدة حتى 20 الف

4- طرق الدفع : فى الغالب بايبال فى شركات تدفع لك لو ارباحك 0.011 دولار وفى شركات لهم حد ادنى

5 – ما هى النسبه التى احصل عليها

تبدا من 60% وحتى 80 % دا لو انت جديد

ممكن توصل حتى 90% بس قناة كبيرة

لو عاوزين فيديو او مقال مفصل على الشركات وشروط كل واحده فى تعليق تحت

وان شاء الله اعمل اللى انتوا تقولوا عليه

الخلاصة :- يوتيوب الفترة الجاية هتكون منصة اقوى من اى وقت فات لان المنافسه بقت قويه جدا جدا مع فيس بوك بعد تشغيل اعلانات فيس على الفيديو

يوتيوب هتعمل تحديثات كتير كل شويه الموضوع هيكون صعب مع الناس اللى شغالين شمال مساله وقت مش اكتر لو عاوز تشتغل يوتيوب بجد اعمل محتوى خاص بك هو ايه بقى المحتوى انت اختار دا لو عاوز تكمل متستمر معهم لكن عاوز تكسب شويه فلوس من ماتش كورة او مسلسل او فيلم وتخلع انت حر القرار فى ايدك انت استغل الفرصة من الان وابدا شغل صح

الناس اللى معهم قنوات والمحتوى مش تبعهم نصيحة احذف كل اللى معاك وابدا محتوى لك على القناة والحمد لله معاك مشتركين وقناة قديم واستمر

المصدر : مقال لصديق علي الفيس بوك